由於之前比佐餓鬼一個6連擊既combo,所以都係時候寫返一點點自己既事了.
雖然松山知有關自己既事既叫座力不好,但有時都要寫下既........(sosad)
最近剪短返頭髮,差唔多留長佐2年喇,所以勁睇唔慣,因為見到耳仔架!!!
+++++++++++++++++++++++++++++++++++++++++++++++++++++++++++
[家事]
事件一
話說松山家的那個fucking awesome細佬是在大學讀education的.
果日佢要上一堂「如何教導反叛小朋友」既堂後,佢即刻打比mammy話:
弟: mammy~不得了,今日我見到一班超曳既0靚仔!!!
媽: 有幾曳呀?
弟: 真係好變態!!!仲曳過阿哥!!! (我頂你丫 -__- #)
事件二
細佬send mail 黎話佢今日著佐我送比佢件fucking awesome衛衣返學,
個Lecturer見到佢着住件咁既野就問佢:
L: Do you expect me to think like that or just you think urself like that?!!
弟: Of course BOTH~!!!
+++++++++++++++++++++++++++++++++++++++++++++++++++++++++++
[日常]
星期四放工座地鐵去中環途中,松山左邊有一個空位,無幾耐有2大3細
既內地人衝上車,然後竟然一大兩細0係我隔離果個位度表演國粹攝石功!!
正當我用凌厲既眼神望住果位慈父時,佢竟然用超洋溢既笑容對住我笑了,
我真的敗了…..敗給你~的陽光笑容…..(倒下)
+++++++++++++++++++++++++++++++++++++++++++++++++++++++++++
[工事]
唔知大家仲記唔記得早排松山比條19秘書篤穿晒個背脊,攪到成為全office
唯一一個無net用既員工?!!經過一個半多月之後,始終邪不能勝正,民權組織
領袖松山以經由block list中局部除名,實在多謝大家鼎力支持~☆
但奇怪的是connect速度竟然由寬頻速度下降為窄頻,情況令人非常擔憂(汗)
+++++++++++++++++++++++++++++++++++++++++++++++++++++++++++
[工事]
某日在公司忙裡偷閒時…...
事件一
松: 其實你覺唔覺我地兩個0係yblog界個朵越黎越響?
鬼: 係~?!!不過我呢d走偶像派路線既都預佐有呢一日☆
松: 但可惜事實係相反呢.
鬼: 咁即係咩呀?
松: 臭囉~!!!
鬼: ……..咁都係因為你條仆街寫臭我唶!!!!
松: ………….你無寫臭我既(SOSAD)
事件二
松: 我買佐香蕉,你食唔食?
鬼: 嘩~你d 笨NANA我唔敢亂食喎~
松: XDDDDDDDDDD 笨NANA!!!!
(同一時間餓鬼準備滅蕉皮既時候,見到松山0係蕉背度寫住......)
鬼: XDDDDDDDDDD 你條賤人咁都得?!
松: 0也蕉啦你~泰山!!!
鬼: 咩野泰山?!!
松: D動物最聽泰山話喔☆
鬼: 你都唔差丫~果王~又水晶梨又笨nana~
(兩條白黐一路食蕉一路大笑)
+++++++++++++++++++++++++++++++++++++++++++++++++++++++++++
[娛樂]
大家記唔己得幾年前曾經令全城瘋魔一時既密室脫出game?
想當年幾條白黐仔0係msn度亙send msg問進度,齊齊攪大脫走,真懷念☆
松山最近搵到個有靚靚graphic既全新脫出game,大家工作無聊時不防玩下~
講明先......松山係未能夠逃出生天,所以比唔到d咩提示大家,sosad.....
但絕對歡迎大家報料~☆話難易度一粒星,但咁難玩既......(汗)有得save架!!!
難易度★☆☆☆☆
http://neutralx0.net/escape/switch_play.html
留言列表