Narcissist Matsuyama

松山前一陣子去佐上一個日式既餐桌禮儀課,係講下食日本料理果陣既一d禮貌,
以免第日追日本妹既時候做錯事,成個洋相露佐出黎啦,家陣做漢奸都要落本架.
好可惜松山咁大個人都唔能夠乖乖地咁上堂……破壞班房氣氛簡直可以話係
我既強項!!!班房係我既令類舞台☆如果唔係因為一堂過既課程,我諗我比人踢
佐出課室喇,哈～我主要都係好鐘意問d怪問題唶,唔係教室暴力,放心.

怪問一:
先生: 大家食野用咩食架～??
松山: 口囉～!!!
先生: ………我係講緊用筷子,刀叉定手呀………=__=#

怪問二:
先生: 去到一d日式又有靚自然景色既食肆,多數都係一男一女,好優雅咁食野,
所以要好好注意日本人既餐桌禮儀.記住最緊要動作優雅~
松山: 咁如果2個男人去呢??
先生: 咁通常去呢d地方都係一男一女會感覺優雅d.....
松山: 2個男人唔優雅得既咩??
先生: ……唔係唔得……不過少d唶 (-__-メ)

怪問三:
先生: 你地成日食吉野家,知唔知牛肉飯既日文叫咩呀??係[牛肉丼]～ (讀音係:嬌當)
松山: 咁有無鮑魚牛肉飯架??
先生: 點解要係鮑魚配牛肉??
松山: 我諗住edison會鐘意……..
先生: (諗佐一陣)…………我地繼續講下豬扒飯

怪問四:
先生: 日本人飲酒果陣如果講[一氣]即係代表成杯飲～雖然我唔係好識飲酒,
但因為拒絕人地好意係日本禮儀既大忌,所以都要頂硬上飲佐佢.
松山: 咁佢見你飲完又幫你斟,然後又講一氣,咁咪又要飲囉?!!
先生: 都係架～
松山: 咁飲完又斟,斟完又一氣,一氣完又斟,斟完又一氣,咁咪好快死?!!
先生: 嘿…….(((((怒)))))

怪問五:
先生: 日本人食壽司係一啖一舊,唔會咬開一半食.因為咁樣舊飯就可能會碎開,
咁就唔好睇喇.
松山: 咁d港女……(被怒啤) sorry…..咁香港d女仕成日懶有儀態咁咬開兩啖食
其實咪即係錯囉………??
先生: 係!!!係錯既!!!!所以日本女仕食野果陣一般都會用手遮住個口!!!!滿意未?!!

怪問六:
先生: 日本高級料理多數都係要跪響度食既,所以要注意既事項亦都幾多.
大家睇下圖入面既女仕有咩問題?? (短裙仔會走光)
松山: 條裙唔夠短囉～
先生: 唔……夠……短…………orz

其實呢個班都幾有趣架～可惜個女導師氣量較少,攪唔起個氣氛,差佐少少.
如果有興趣既blog友可以去工聯會網頁查下日式餐桌禮儀呢個course～