勇敢的香港人－Narcissist Matsuyama

泰國果邊笠笠亂,其實都亂佐好耐,由海嘯開始,到他信買起曼城做班主借勢大使黑錢,
仲猜上台又落台,而家仲攪個咩阿pizza出黎.他信得到支持係因為有一班農民撐住佢,
泰國係一個出產食米既大國,你咪話我知你無食過金象米呀!?!!他信就深受呢班人追捧
但換佐條仲猜上台,佢枚又唔識猜,同泰王猜波都猜輸埋,仲猜乜膠丫~跟住仲要整個咩
阿pizza上台,堂堂種米國家比塊pizza head住,成何體統,唔暴動就假啦?!!

大家亦知到泰國乃港人離港最常到既地方,就以餓鬼為例,一年唔去返幾次泰式推拿,
就會周身唔聚財咁.成日都覺得港人好怕死,遊行都唔夠薑暴動,但今次唔同了,一眾
港人不理特衰正苦多次發出旅遊警告都要強行出發,一心去泰國當地大派花生～!!!
呢邊電視影住班泰仔點掟氣油彈,一邊d條子就開槍趕鴨,一邊有旅行社如期出發,
完全無損心情之餘,更大派定心丸百份百安全.就連岩岩雞咁腳趕返黎香港,仿如劫後
餘生既一班落機港人都話好亂,唔安全,寧願早d返黎好過既片段同好言都拋諸腦好.
果然好多香港人仍然心口掛勇字,明知旅遊保險只會保佢地受傷,唔保命,佢地覺得起
碼擦損都有塊吉澤膠布賠比我丫～斷手腳都有醫院訓,紅衣軍唔會侵佔醫療設施既,
佢地仆街都要訓醫院嘛,點會攪果度,醫院最安全!!!為佐一個花生show,港人站起來了
松山響度發起最強烈既花生警報,如想看泰式花生show者,請盡快聯絡多間無良旅行
社.各持牌或非持牌旅行社為免生意多到做唔切,以準備24hrs水上三板接應大家穿越
南中國海直殺泰國比大家盡情派花生,以發揮各大旅行社同心拯救港泰旅遊業既決心

我敢寫包單,幾日內就會有大量烈士於facebook upload佢地0係泰國影度既亂況寫真
拱諸同好.將他國醜事經港式小丑文化修釋後於網路發放.如有港人0係今次事件上遇
難特衰正苦一定成眾矢之的,何解??因為香港條子只用糊椒噴霧,無大形振壓武器,同
埋場面唔夠激進,難以同美帝既荷里活電影變形金鋼睇齊,攪到一眾餓花生以久既港人
要拼死去泰國睇真人show~香港實在係娛樂性不足.祝愛玩命既各位烈士有去無回