先多謝大家08年既support,累積瀏覽人數以突破10000人次了,真係可口可樂☆
好～為報答大家,現送上08年最後一篇blog~預祝各位客仔happy2009＼(≧▽≦)／
今日睇佐2單頭條,令松山自嘆實在跟不上時代的步伐......(倒下)
先說事件一是有關我同i-cable上網既續約問題.話說我要同i-cable續約,
我就要預繳7個月的月費,然後在頭7個月都不用交費.聽來甚為荒謬,
松山用咁多serivces都從未試過要預繳7個月咁多,真係聞所未聞.
為佐呢7個月不知所謂既預繳,我同i-cable展開佐為期一個月既拉踞戰,
結果係松山於round1被敗走,乖乖把7個月的肉金獻給i-cable……orz
原以為交佐7個月肉金就有和平日子過了,誰不知好戲在後頭.續約時電話
服務員話松山有條300大元既數未交!!!怎可能啊?!!我只記得我係唔小心
交多佐一期錢,但就無交少過!!!服務員話因為25號開始我既contract就完佐,
所以會收我正價,所以必須先交佐1月份既賬單先可能做續約服務(怒)
我說:會delay到今時今日都係因為你地公司不好,阻我續約!!!
而家個case即係我以交了$1150,但我用不到服務,但他們也不會退錢,
很為難地我再說: 咁而家即係我$1150就比佐,但我要再比$300先可以續約?!!
那即是我簽18個月約,但我要先預繳了9個月錢先有得用?!!會唔會到我比佐
$300後,你地又唔知話要加d咩費,要我比足18個月先比我用架?!!18個月還好,
可能會係比21個月,但用18個月喎!!!呢位大哥,你今日放工你大可以同你d frd
講話你公司好好野,有個客走黎用18個月上網合約,但要比佐9個月錢先受佢玩,
這等傻仔真係好呃～!!!7個月以經唔合理啦,但就當我為你地公司開創先河啦,
屈服0係你地既淫威底下啦,而家仲要9個月,攪錯!!!而家同勒索有咩分別呀?!!
即係我比佐50萬買佐架車,但到我黎攞車,你地唔比車匙我,然後同我講"阿~X生,
你都比佐50萬啦,唔差在比多20萬攞埋條車匙,咁大家好做啦.拿拿淋喇喂水魚~"
哪有客人比完錢還要打上來哀求給予服務?! 說到這裡以經在電話拉据了一小時
多了,松山再按奈不住,魔王山的血液以滾得滿瀉了......再加上被老爸在門外行過潤
了我2句,松山突然短路了,眼珠消失了,把接線生給鬧爆了!!!!!命令他把話事的那隻
死烏龜貢上來!!!一個鐘內平靜無比的客人發彪了,接線生很害怕,忙把線接過去那
話事的豬頭丙!!!當然最後所有事都給擺平了,多得松山體內始終流著魔王的血.....orz
但今早看看報紙,在大陸某出名的大型服裝商場,商場竟下令商戶如想續租就必須
一次過交20年的租金!!!對,是20年,不是20個月!!!相比下,我那7個月算老幾?!!
小市民就只可以落得如此下場嗎?!!這是我的第一個自嘆不如.
事件二比較簡單,又係今朝既報紙話四川大地震時將罹難妻子綁在背後,駕電單車
將妻子遺體送回老家被外國記者拍下,感動全球的「 揹 妻 男 」喪妻半年後瞬即
找回他的春天,昨日他在深圳與二任妻子正式舉行婚禮.....半年.......咁我呢2年半
到底是在幹什麼?!!咁轟烈既只係last long到半年.....松山又要自嘆不如了.....醒lu!!!
留言列表