Narcissist Matsuyama

近年聖誕節都喜歡去party同frd一齊狂歡.老實講,其實都唔知為乜?!!
雖然唔知為乜,但都唔會抗拒去聚一聚.黎到綿登徑時以經係1am,
情況仍然非常熱鬧.穿過幾間pub就到P聚地點了.就0係要穿過最後
一間pub之際,見到有2個女仔扶住另一個女仔出黎.一睇就知中間果
件以經消佐fuse(醉佐).正當我瞄一瞄劈消fuse之際,佢都望佐我一眼,
這個眼神.....這張臉.....然後劈消fuse就鬆開2個frd撲佐落我度.....
然後就二話不說攬住我大聲喊佐出黎.我只可以掃下佢個頭問佢:
我: "失戀呀??"
佢只係用佢額頭0係我膊頭到印佐2下示意
我: "呀…咁你喊下啦,會舒服d"
佢身邊2個frd好驚訝咁望住我,以為我係色魔了…sosad.

大學畢業之後,我地就無見過面喇,估唔到係一個咁既情況下見返你.
當年係因咩野事分開我都唔係好記得喇,只知入到大學之後,我地變得
越黎越生疏,偶然會聽到身邊既共同frd提起你,但我都無仔細去追問,
不竟大學時候既天真快樂以經不復再.

然後我笑住話: "你喊下好喇~唔好湯落我度呀,我仲要去玩架~哈哈"
佢0係喊之中笑佐一下,然後就無之前喊得咁利害,我都不忌諱地抱實佢...
同時佢果2個驚訝既frd原來以經call好8折的,連忙同我講聲唔好意思,
跟住就夾佐佢上taxi,果然做到野呀......望住taxi駛走,我只可以揮揮手
隔空同你講句聖誕快樂喔～☆