放假好悶囉!!!勁悶囉!!!所以尋日頂唔順殺佐落横浜行下.
買佐本travel guide就跟住去啦.重點係去中華街,去睇下日本
買佐本travel guide就跟住去啦.重點係去中華街,去睇下日本
人心目中既中華究竟係咩野一回事.去完既感受同我自己意
想既差唔多.真係好"中華"囉.去到見到好多野即使0係香港都
好難搵到.突然明白點解果陣yuko黎香港咁鐘意搵果0的style
既地方喇.係第三者眼中睇中華既結論??嗯~ 如果香港整條
日本街既話,唔知又會係點既呢?忽然各得好有趣添.中華街有
個好奇怪既廣告牌"飲茶之專門"..........嗯.....乜飲茶都有專門
既咩??好似有錢比既話,係人都可以專門啦.好似我mammy成
日話佢好識買野架,好識買好野架.我daddy咪話有錢邊個唔識
得買好野呀??所以有錢既話,我覺得人人都可以做專門既.......
飲水專門都得啦,哈哈哈~ 離開中華街後去佐横浜港睇海諗野.
近來點解咁多野諗架?? 算啦~有時間諗咪諗下囉,反正望住個
海都幾舒服..........黎佐日本後都無點諗起hk既事,但尋日就諗
起唔少啦.算不上掛住香港,但會諗有日本人拼命走去香港,
有香港人拼命走去日本,究竟係乜野一回事呢?? 座到太陽差
唔多落山就去野毛搵個朋友dinner.横浜既夜景都幾靚架~~!!
少少既area入面,燈飾好靚.聽住側田既歌,望住日落,感覺好舒服.
由屋企去横浜,比我由屯門返觀塘仲要快少少,真係諷刺呀!!!
全站熱搜
留言列表