Narcissist Matsuyama

最近個樣好難睇,好多蒼蒼,因為晩晩都無覺好訓...........
今個week都不斷發同一個夢,個夢係好有動畫feel既.
最初係影住我對腳0係一條腐爛緊既灰色木板路上面行,
則邊都係黑色一片.行行下,跳路終於都斷佐,最後跌佐落去好
黑既地方,一直咁跌,只有眼涙向上昇.......不斷向下,只有眼涙
好似無跌,形成一條向下墜既線.感覺好凄美.不斷咁跌,唔知幾
時到底,雖然跌緊落去,但一d都唔驚,感覺自己好空空如也........
過佐2晩後,跌緊果陣見到遠d既地方有塊發光既板,但好遠,
塊板不斷出現,跌緊既我只可以睇住個畫面過,但感覺塊板係
係越跌越近,最後我嘗試捉住塊板,想爬上去,好努力gum爬上去.
跟住隔離出現返我原本跌落黎既地方...........我見到變grey佐既
舊路有同阿yu開心既事浮現,新既地方只有光,セ都見唔到.
身體爬向新既路,心向住舊既路........心叫身體爬去舊路搵返
開心既事.個心掛住舊事..........但身體明白果度只有痛楚........

 

好想去買張黑色畫紙將lei個夢用鉛筆畫出黎.......起身發現只
係sleep佐一陣,但都就快天光喇,攬住本聖經再sleep過.
聽日就黎佐日本一個月喇☆希望可以有0的新生活啦.再咁跌,

真係會跌死架

 

『舊事舊事,舊屎沖走佐佐喇!!唔使搵喇,沖走佐喇舊屎.』金雞