NZ生活－Narcissist Matsuyama

1000個留言睇黎只係時間性既問題,既然一定做得到,所以我都唔
為難客戶們繼續跑數了(笑)但實在要先向各位洗版勇士至敬～(敬禮)
雖然大家都知松山去咗羊之國避暑,但我係唔會將我既羊之國生活
製作成旅遊特輯放上黎迫大家拍手叫好.呢度依然只會保留住一d
生活膠事同刁事,作風繼續以心直口快為主,不喜勿入～

白過30年
話說松山返黎羊之國後本來諗住投靠fucking awesome細佬.
點知去到awesome細佬家時發覺情況比難民營更恐怖,難為佢仲可以
爆出一句"咁先有家既感覺!!"果然無與倫比.但松山就真係頂唔順喇,
所以速逃去aunty家作客.咁aunty就有個3歲大既bb女,真係好好玩架～
但係係佢玩我囉!!!因為佢好鐘意攪住我用電腦,但我就會阻住佢唔比
佢噤個keyboard.有次佢竟然掉開個玩具,跟住扮執唔到叫我幫佢執,
咁我諗住小朋友係好純情加嘛,咪去執囉.我一去執,佢就1秒1咁走埋
去噤個keyboard!!!shit~~我中計了!!!比個細3陪既小朋友給騙了,
我這30年是白過的了.......orz

這就是awesome細佬自稱有家的感覺的場面(很臭的)
這是人住的地方嗎?!!

組band時間
awesome細佬雖然玩結他唔係話好叻,但都有自己隊band,
叫mid-nite tofu,照字面譯應該係午夜豆腐,但佢地official中文叫
暴走豆腐,真令人拗頭.....不過好開心,松山終於有機會學結他了,
而我既選擇係bass.簡單地學幾個音以經可以同佢地一齊玩了,
真係好快活☆

WRX
黎到nz無車楂真係好唔方便,因為bus總係接不上,因住得太遠.
於是問友達借車了,友達說:"真係對唔住,我真係無其他車可以
借比你,你唔介意就楂架WRX啦,都有350匹架."友達果然毫爽
過人.....一架350匹既wrx就咁借比我了,但之後因為turbo車
既食油程度真係嚇到我眼凸,有如穿了油缸一樣,加上油價高企,
所以松山最後都係決定同細佬搶車楂好了,sosad.....
黎咗一陣子以經足足楂我喺香港一年份要楂既路程,嗚～好攰

自稱從不會死火的友達(藍衣人)被3人目擊拍位時死火後
下車仰天長嘆～事後圖中的WRX以被放盤了(泣)

女乘客
松山咁多年搭飛機都未試過同女性一齊坐,咁多年都清一色,男.
印象最深刻一次係同隔離位個男人劈起酒來,還到toilet湯了.....
所以今次去nz時我不禁再發奇想希望有個女的坐隔離,但完全
唔明點解同有乜好?!!又唔摸得,又唔攬得,但就覺得好過同男人
坐囉.....今次呢個奇想總算實驗了.當我行到去自己位是,鄰坐以
經座住一位灰袍,光頭既師太了.....我係定咗1,2秒既.....嗯~我認輸了.....
還好那位師太人很nice.所以回程時我就不再多想了,天公也對
我不薄,回港時我隔離係無人座,正諗住可以打斜坐sleep下啦,
原來我以經三角形地被3個bb既尖叫同喊聲包圍住了.......orz